सामाजिक सुरक्षा कोषको दर्ता समयावधि सकिदै

Category: Job News | Date: | Total Views: 2606

Tags: Job News


सामाजिक सुरक्षा कोषको दर्ता समयावधि सकिदै!

मंसिर ११ गतेदेखि सरकारले लागू गरेको योगदानमा आधारित सामाजिक सुरक्षा कोषमा देशभरका रोजगारदातालाई अनिवार्य आबद्धताको आव्हान गर्दै गत २६ कात्तिकमा राजपत्रमा सूचना प्रकाशित गरेको थियो। समयसीमा सकिन थोरै समय बाँकी हुँदा न्यून संख्यामा मात्रै रोजगारदाता तथा श्रमिक आपूर्तिकर्ताहरू सामाजिक सुरक्षा काेषमा सूचीकरण भएका छन् केन्द्रीय तथ्यांक विभागले गरेको आर्थिक गणनाअनुसार देशभर ९ लाखभन्दा बढी प्रतिष्ठान सञ्चालनमा छन्।

सोही राजपत्रमा प्रकाशित सूचना अनुसार विभिन्न क्षेत्रका रोजगारदाताले दिइएको मितिसम्ममा सामाजिक सुरक्षा कोषमा निवेदन दिनुपर्ने उल्लेख गरिएको छ:

  • काठमाडौँ उपत्यका भित्रका रोजगारदाता र सबै श्रमिक आपुर्तीकर्ताले २०७५ फाल्गुन-५ गते सम्ममा
  • काठमाडौँ उपत्यका बाहेक प्रदेश-३ का अन्य स्थानका रोजगारदाताहरूले २०७५ फाल्गुन-१४ गते सम्ममा  
  • प्रदेश १ का रोजगारदाताले २०७५ फागुन मसान्त भित्र
  • प्रदेश २ का रोजगारदाताले २०७५ चैत्र-१४ भित्र
  • गण्डकी प्रदेश र प्रदेश नं-५ का रोजगारदाताले २०७६ चैत मसान्त भित्र               
  • कर्णाली प्रदेश र सुदूरपश्चिम प्रदेशका रोजगारदाताले २०७६ वैशाख-१४ भित्र

कोषको अनलाइन प्रणालीमार्फत रोजगारदाताले सूचीकरण प्रक्रिया सुरु गर्न सक्ने व्यवस्था मिलाइएको छ अनलाइन निवेदनका लागि https://sosys.ssf.gov.np/Modules/REGISTRATION/Submission.aspx   मा क्लिक गरी सूचीकरण गर्न सकिनेछ​।

रोजगारदाताले आफू सूचीकरण भएको मितिले तीन महिनाभित्र आफूले नियुक्त गरेको वा रोजगार सम्बन्ध कायम गरेको व्यक्तिलाई सूचीकरण गराउनुपर्ने कानुनी व्यवस्था छ। कोषमा मासिक रूपमा रोजगारदाताले श्रमिकको आधारभूत तलबको २० प्रतिशत र श्रमिकले ११ प्रतिशत योगदान गर्ने गरी यो योजना सञ्चालन हुनेछ। सरकारले कोषमा जम्मा हुने रकम पारदर्शी रूपमा सञ्चालन गराउने र आवश्यक पर्दा कोषलाई अनुदान दिने काम गर्नेछ।

ऐनअनुसार योगदान रकम नबुझाएमा कोषले रोजगारदातालाई बैंक खाता रोक्का राख्ने, सम्बन्धित संस्था तथा व्यक्तिको चल–अचल सम्पत्ति रोक्का राख्ने, अनुमतिपत्र निलम्बन गर्ने, राहदानी रोक्का गर्नेलगायतका कारबाही गर्न सक्छ

अधिक जानकारीका लागि: 

बबरमहल, काठमाडौँस्थित सामाजिक सुरक्षा कोषको कार्यालयको फोन नं. ०१-४२५६१४४ र ०१-४२५६३१५ वा इमेल info@ssf.gov.np मा सम्पर्क गर्न सकिनेछ।

 

job_kurakani_detail_page

Since inception in 2009, we have turned out to be number one jobs provider in Nepal with 120 million+ page views with 2.5 million+ progressive visits every month, created 150,000+ success stories and registered 450,000+ job seekers in our database. We have been offering 28,000+ employers promote their employer brands to jobseekers and advertise diverse opportunities to over a million candidates inside Nepal and abroad. Established as an inevitable bridge between the hiring employers and the job seekers, we are well-known as a national leader in recruitment solutions & career management in Nepal. Read more...

CONTACT US

Ganapati Bhawan
Min Bhawan Main Road
New Baneshwor
Kathmandu, Nepal

+977 1 4106700

  • Terms
  • |
  • Privacy
  • |
  • © 2019 All Rights with merojob