देशको मुख्य शहरहरूमा बिक्री डिपो भएको एक प्रतिष्ठित बहुराष्ट्रिय कम्पनीको लागी निम्न योग्यता भएका केही अदक्ष कामदारहरूको आवश्यक परेको हुनाले योग्य, इच्छुक र कडा परिश्रम गर्न रूचाउने उम्मेद्वारले माघ २, २०७७ गते भित्र निम्न ठेगानामा हुलाक मार्फत् उमेर खुलेको नेपाली नागरिकताको प्रमाणपत्रको प्रतिलिपि र आफ्नो शैक्षिक योग्यताको प्रमाणपत्रको साथ लिखित आवेदन दिनुहुन अनुरोध गरिन्छ ।

छनौट प्रक्रियाको लागी माथि उल्लेखित सम्पूर्ण कागजातहरू अनिवार्य रूपमा उपलब्ध गराउनुपर्नेछ । 
साथै आवेदकले देहाएको शर्तको अधिनमा रही आवेदन गर्नुहुन सूचित गराइन्छ । 

• आवेदकले कम्तीमा पनि एस.ई.ई. टेष्ट उतिर्ण गरेको हुनु पर्नेछ । एस.ई.ई. उत्तीर्ण भएका उम्मेदवारहरूलाई प्राथमिकता दिइनेछ। 
• आवेदकको उमेर माघ २ गतेसम्म कम्तिमा १८ वर्ष पुगी ३५ बर्ष ननाघेको हुनुपर्ने छ । 
• आवेदक नेपाली नागरीक हुनपर्ने छ । 
• आवेदक नेपाली तथा अंग्रेजीमा पढ्न र लेख्न सक्ने हुनुपर्नेछ ।
• छनौट विधि मौखिक अन्तरवार्ता हुनेछ । छनौट भएका उम्मेदवारहरूले प्रतिष्ठानले नियुक्ति गरेको मान्यता प्राप्त हस्पिटलबाट स्वास्थ्य परिक्षण गराउनु पर्नेछ र परिक्षणको नतिजाको आधारमा चयन भएका उम्मेदवारहरूलाई नियुक्ति पत्र दिइनेछ । 
• पारिश्रमिक तथा सेवा सुविधा नेपाल सरकारको नीतिनियमलाई पालना गर्दै कम्पनीको नियमानुसार हुनेछ ।
• छनौट भएका उम्मेदवारलाई ६ महिना सम्म परिक्षणकालमा नियुक्ती गरिनेछ । त्यसपछि, संगठनको आवश्यकताअनुसार कार्यसम्पादन सन्तोषजनक रहेका कामदारहरूलई स्थायी नियुक्ती पत्र दिइनेछ ।
• प्रतिष्ठानले छनौट गरेका उम्मेद्वारहरूलाई देशभरिको कुनै पनि बिक्री डिपो, शाखा कार्यालय तथा कारखानामा कार्य गर्न खटाउन सक्नेछ ।