मनोसामाजिक परामर्शकर्ता

साँगुरीगढी गाउँपालिका
गाउँ कार्यपालिकाको कार्यालय
भेडेटार, धनकुटा
कोशी प्रदेश, नेपाल

प्रकाशित मिति: २०८३/०६/०७

यस गाउँपालिकाले सञ्चालन गर्ने सुरक्षित आप्रवासन (SaMi) कार्यक्रम अन्तर्गत देहायबमोजिमको जनशक्ति करार सेवामा पदपूर्ति गर्नुपर्ने भएकाले योग्य तथा अनुभवी नेपाली नागरिकहरूबाट मागबमोजिमका विवरण तथा राजस्व तिरेको रसिदसहित यो सूचना प्रकाशित भएको मितिले १५ (पन्ध्र) दिनभित्र कार्यालय समयमा आवेदन पेश गर्न आह्वान गरिन्छ।

विज्ञापन नं. ५/२०८३/०८४
पद: मनोसामाजिक परामर्शकर्ता (पाँचौँ तह सरह)
आवश्यक संख्या: १ (एक) जना
न्यूनतम शैक्षिक योग्यता, अनुभव तथा सीप:

• मान्यता प्राप्त शैक्षिक संस्थाबाट हेल्थ असिस्टेन्ट वा स्टाफ नर्स उत्तीर्ण गरेको वा मान्यता प्राप्त विश्वविद्यालयबाट पब्लिक हेल्थ, नर्सिङ, मनोविज्ञान, समाजशास्त्र वा सोसियल वर्कमा स्नातक तह उत्तीर्ण गरेको वा स्वास्थ्य शिक्षा विषयमा स्नातक तह उत्तीर्ण गरेको वा पोस्ट ग्राजुएट डिप्लोमा इन काउन्सेलिङ उत्तीर्ण गरेको हुनुपर्नेछ।
• मनोसामाजिक परामर्शसम्बन्धी ६ महिने तालिम प्राप्त गरी राष्ट्रिय स्वास्थ्य तालिम केन्द्रबाट प्रमाणपत्र प्राप्त गरेका उम्मेदवारलाई विशेष प्राथमिकता दिइनेछ।
• साथै, कम्प्युटरसम्बन्धी आधारभूत ज्ञान तथा अनुभव (MS Word, Excel, PowerPoint, Email/Internet आदि) भएको र प्रतिवेदन तयार गर्न सक्ने हुनुपर्नेछ।

SaMi कार्यक्रमअन्तर्गत कार्यरत मनोसामाजिक परामर्शकर्ताका हकमा:

• कम्तीमा प्रवीणता प्रमाणपत्र तह वा १०+२ वा सो सरह उत्तीर्ण गरी राष्ट्रिय स्वास्थ्य तालिम केन्द्रबाट मनोसामाजिक परामर्शसम्बन्धी ६ महिने तालिम प्राप्त गरी सो केन्द्रबाट प्रमाणपत्र प्राप्त गरेको र केन्द्रको तालिम सूचना व्यवस्थापन प्रणालीमा सूचीकृत भएको हुनुपर्नेछ।

कार्य अवधि:  कार्य अवधि २०८४ साल असार मसान्तसम्म हुनेछ। कार्यसम्पादनको आधारमा कार्य अवधि नवीकरण गर्न सकिनेछ।
परीक्षा तथा छनोट:  उम्मेदवारको छनोट लिखित परीक्षा तथा अन्तर्वार्ताबाट गरिनेछ।
आवेदन दस्तुर: आवेदन दस्तुर रु. १,०००/- (अक्षरेपी: एक हजार रुपैयाँ मात्र) हुनेछ।
उमेर: उम्मेदवारको उमेर १८ वर्ष पूरा भई ३५ वर्ष ननाघेको हुनुपर्नेछ।
तलब तथा सुविधा: तलब तथा अन्य सुविधा प्रचलित नियमानुसार हुनेछ।

पेश गर्नुपर्ने कागजातहरू:

आवेदनका साथ निम्न कागजातहरू पेश गर्नुपर्नेछ:

• निवेदन–पत्र।
• नेपाली नागरिकताको प्रमाणपत्रको प्रतिलिपि।
• शैक्षिक योग्यताको प्रमाणपत्रहरूको प्रतिलिपि।
• कार्य अनुभवसँग सम्बन्धित प्रमाणपत्रहरूको प्रतिलिपि।
• तालिम प्रमाणपत्रहरूको प्रतिलिपि।
• आवेदन दस्तुर बुझाएको राजस्व रसिद।