माग संख्या: २  
समयावधि: अधिकतम ६० दिन 
स्थान: कर्णाली प्रदेश एवं प्रदेश अन्तर्गतका जिल्लाहरू ।

पृष्ठभूमी:

स्वास्थ्यका लागि सक्षम प्रणाली अमेरीकी सहयोग नियोगको आर्थिक तथा प्राविधिक सहयोगमा सञ्चालित पाँच वर्षे कार्यक्रम हो जसले नेपाल सरकारलाई देशको स्वास्थ्य अवस्थामा सुधार ल्याउन मद्दत पुर्याउछ र विशेष गरी पिछडिएका र सेवाबाट बञ्चित समुदायहरूलाई लक्षित गर्दछ ।  यस परियोजनाको उद्देश्य मातृ, नवशिशु, र बाल स्वास्थ्य साथै परिवार नियोजन सेवाको पहुँच र गुणस्तर सुधारमा जोड दिने रहेको छ । यस कार्यक्रमले तथ्यांकमा आधारित कार्ययोजना तर्जुमा, विकेन्द्रिकृत स्वास्थ्य सेवामा सुशासन ल्याई समानुपातिक सेवाको उपयोग र गुणस्तरीय एवं उत्तरदायी सेवा प्रणालीको विकास गर्न सहयोग गर्दछ । 

प्रस्तावित सहजकर्ताको मुख्य जिम्मेवारी स्वास्थ्यका लागि सक्षम प्रणाली, कर्णाली प्रदेश सामाजिक विकास मन्त्रालय, प्रदेश स्वास्थ्य निर्देशनालय तथा जन/स्वास्थ्य सेवा कार्यालयहरूसँग समन्वय गरी  आधारभूत आपूर्ति व्यवस्थापन तथा स्वास्थ्य सामाग्री खरिदसँग सम्वन्धित निर्देशिकाहरूमा आधारित रही प्रदेश स्तरमा प्रशिक्षक प्रशिक्षण तालिम तथा जिल्लाहरूमा तालिम सञ्चालन गर्ने हुनेछ ।

मुख्य जिम्मेवारी 

• स्वास्थ्यका लागि सक्षम प्रणाली, कर्णाली प्रदेश सामाजिक विकास मन्त्रालय, प्रदेश स्वास्थ्य निर्देशनालयसँग समन्वय गरी आधारभूत आपूर्ति ब्यवस्थापन तथा स्वास्थ्य सामाग्री खरिदसँग सम्वन्धित निर्देशिकाहरूको आधारमा तालिम योजना तयार पार्ने ।
• प्रदेश स्तरमा आधारभूत आपूर्ति ब्यवस्थापन तथा स्वास्थ्य सामाग्री खरिद तालिमका लागि प्रशिक्षक प्रशिक्षण संचालन गर्ने ।
• छनौट गरिएका जिल्लाहरूमा ५ दिनको तालिम सञ्चालन गर्ने ।
• तालिम पश्चात कार्यक्रम सम्पन्न प्रतिवेदन तयार पार्ने ।

आवश्यक योग्यताः

• जनस्वास्थ्य,स्वास्थ्य शिक्षा, ब्यवस्थापन, समाजशास्त्र वा सम्वन्धित विषयमा  स्नातक तह  उतीर्ण गरेको ।
• आधारभूत आपूर्ति व्यवस्थापन तथा स्वास्थ्य सामाग्री खरिदसँग सम्वन्धित क्षेत्रमा ५ बर्षको अनुभव प्राप्त गरेको ।
• विगतमा सरकारी सेवामा रही काम गरेको वा सम्वन्धित सरकारी संस्थासँगको समन्वयमा काम गरेको ।
• नेपाल सरकारको परिमार्जित आधारभूत आपूर्ति ब्यवस्थापन तथा स्वास्थ्य सामाग्री खरिद प्रणालीको बारेमा ज्ञान भएको र सोही अनुसार तालिम सञ्चालन गर्न सक्षम भएको ।
• अन्तरव्यक्ति संचार, सहजीकरण क्षमता राम्रो भएको र विश्लेषणात्मक प्रतिवेदन (नेपाली तथा अंग्रेजी भाषामा) तयार पार्न सक्ने क्षमता भएको ।
• कर्णाली प्रदेशका जुनसुकै जिल्लाहरूमा पनि तोकिएकै समयमा जान इच्छुक भएको ।