यस बैंकको रिक्त रहेको निम्न पदहरु खुल्ला प्रतियोगिताद्वारा स्थायी पदपूर्ति गर्नुपर्ने भएकोले योग्य तथा ईच्छुक नेपाली नागरिकहरुबाट मिति २०७७/१२/१८ गते भित्रमा Online दरखास्त फारम भर्न आह्वान गरिन्छ । म्याद भित्र प्राप्त नभएको र रित नपुगी आएको दरखास्त उपर कुनै किसिमको कारवाही हुने छैन। 

विज्ञापन नं.: ०८/२०७७/०७८
पद: वरिष्ठ सहायक 
सेवा क्षेत्र: सूचना प्रविधि
माग संख्या: २

१. सेवाको किसिम : स्थायी 

२. तलब तथा अन्य सुविधा : बैंकको नियम अनुसार 

३. उम्मेदवारको उमेर : दरखास्त दिने अन्तिम मिति सम्ममा अधिकृत/सहायक अधिकृत पदका लागि २१ वर्ष पूरा भई ३५ वर्ष ननाघेको । वरिष्ठ सहायक/कनिष्ठ सहायक पदका लागि १८ वर्ष पुरा भई ३५ वर्ष ननाघेको । सबै पदका महिला उम्मेदवारको हकमा उमेरको माथिल्लो हद ४० वर्ष ननाघेको । सहकारी बैंकमा कार्यरत कर्मचारीको हकमा उमेरको माथिल्लो सीमा लागु हुने छैन । 

४. आवश्यक न्यूनतम शैक्षिक योग्यता : विज्ञापन नं. ०८/२०७७/०७८/वरिष्ठ सहायक/तह ५/सूचना प्रविधि : मान्यता प्राप्त शिक्षण संस्थाबाट IT सम्बन्धित विषयमा स्नातक वा सो सरह उत्तिर्ण वा १०+२ वा सो सरह उत्तिर्ण गरी बैंक तथा वित्तिय संस्था वा सम्बन्धित क्षेत्रमा २ वर्षको कार्य अनुभव भएको हुनुपर्ने । बैंक तथा वित्तिय संस्था, वा सम्बन्धित क्षेत्रको Digital Payment Platform मा कार्य अनुभव भएको उम्मेदवारलाई प्राथमिकता दिइनेछ। 

५. कार्य गर्न चाहेको प्रदेश छनौट गर्नुपर्ने : विज्ञापन नं. ०९/२०७७/०७८ मा आवेदन गर्ने उम्मेदवारले अनिवार्य रुपमा आफुले कार्य गर्न चाहेको प्रदेश छनौट गर्नुपर्नेछ । बैंकले सो विज्ञापन अनुसार नियुक्त हुने कर्मचारीहरुलाई बैंकले प्राथमिकतामा कार्य गर्न चाहेको प्रदेशमा ३ वर्षसम्म सरुवा नहुनेगरी पदस्थापना गर्न सक्नेछ। 

६. उम्मेदवार छनौट विधि : लिखित, प्रयोगात्मक/प्रस्तुतिकरण/समुह छलफल तथा अन्तर्वार्ता । 

७. प्रारम्भिक छनौटमा परेका उम्मेदवारलाई मात्र लिखित परिक्षामा सहभागी गराईनेछ।