बुद्धशान्ति गाउँपालिका 
गाउँ कार्यपालिकाको कार्यालय
बुधबारे, झापा
प्रदेश नं. १, नेपाल 

करारमा सेवामा मेडिकल अधिकृत भर्ना गर्ने सम्बन्धी सूचना

(प्रथम पटक प्रकाशित मितिः २०७७/०५/२३) 

प्रस्तुत विषयमा यस बुद्धशान्ति गाउँपालिकाको स्वामित्वमा संचालित बुद्धशान्ति अस्पतालमा रहने गरी मेडिकल अधिकृत सेवा करारमा पदपूर्ति गर्नुपर्ने भएकाले इच्छुक र योग्यता पुगेका नेपाली नागरिकबाट यो सूचना प्रकाशित भएको मितिले १५ दिनभित्र यस गाउँ कार्यपालिकाको कार्यालयमा कार्यालय समयभित्र दरखास्त दिनुहुन यो सूचना प्रकाशन गरिएको छ। 

योग्यताः 

• मान्यता प्राप्त शिक्षण संस्थाबाट एम. बी. बी. एस. वा सो सरह उत्तीर्ण भई नेपाल मेडिकल काउन्सिलमा दर्ता एवं नवीकरण भएको।
• २१ वर्ष उमेर पूरा भई ३५ वर्ष ननाघेको। 
• नेपाल स्वास्थ्य सेवा ऐन, २०५३ को दफा १२ बमोजिम अयोग्य नभएको। 
• छनौटको किसिमः लिखित परीक्षा तथा मौखिक अन्तर्वार्ता । 
• आवेदन शुल्कः रु. १,०००।- (एक हजार)
• दस्तुर बुझाउने अन्तिम मितिः सूचना प्रकाशित भएको मितिले १५ दिनभित्र र सो दिन विदा भए सोको भोलिपल्टसम्म । 
• तलव स्केल तथा अन्य सुविधाः सेवा करार बमोजिम । 
• परीक्षा मितिः तोकिए बमोजिम।