(सूचना प्रकाशन मिति : २०७६/०४/०३) नेपाल राष्ट्र बैंकबाट “घ” वर्गको राष्ट्रिय स्तरको इजाजतपत्र प्राप्त यस लघुवित्त वित्तीय संस्थालाई वित्तीय संस्थामा आइपर्ने कानुन तथा कम्पनी सचिवालय सम्बन्धी कार्य गर्न १ जना सहायक प्रबन्धक करारमा लिन आवश्यक भएकोले कम्तिमा कानुन विषयमा स्नातक वा सो सरहको परीक्षा उत्तीर्ण व्यक्तिले आफ्नो विस्तृत वैयक्तिक विवरण (हाल सालै खिचिएका २ प्रति पासपोर्ट साइजको फोटोहरु सहित) आफ्नो नागरिकता तथा शैक्षिक योग्यताका लब्धाङ्क र चारित्रिक प्रमाणपत्रहरुका प्रतिलिपिहरु (विदेशको शैक्षिक योग्यता भए समकक्षता सहित) अनुभवका प्रमाणपत्रका प्रतिलिपिहरु नोटरी पब्लिकबाट प्रमाणित गराई निवेदन साथ संलग्न गरी यो सूचना प्रकाशन भएको मितिले १५ दिन भित्र यस वित्तीय संस्थाको केन्द्रीय कार्यालय, बालुवाटार, काठमाडौंमा आइपुग्ने गरी निवेदन दिनु हुन यो सूचना प्रकाशित गरिएको छ ।

प्राप्त निवेदनहरु वित्तीय संस्थाको नियम अनुसार छानबिन गरी छोटो सूचीमा परेका उम्मेदवारहरुलाई अन्तर्वार्ताको लागि बोलाइनेछ । छोटो सूची तयार गर्दा बैंक/वित्तीय संस्थामा काम गरेका दक्ष अनुभवी उमेदवारलाई प्राथमिकता दिइनेछ । वित्तीय संस्थाको हितलाई ध्यानमा राखी कुनै पनि निवेदन कुनै पनि चरणमा अस्वीकृत गर्ने वा यो विज्ञापन रद्द गर्ने सम्पूर्ण अधिकार यस संस्थामा सुरक्षित रहनेछ।